Свята любяць і педагогі, і дзеці. 13 студзеня, у шосты школьны дзень, навучэнцы «калядавалі» ў сімвалічных дамах.
У ролі гаспадынь выступалі педагогі цэнтра. Хлопцы і дзяўчаты прайшлі вясёлы зімовы медагляд, разгадалі калядныя гульні, прадэгуставалі калядныя стравы беларускай кухні.
Таксама «калядоўшчыкі» пагулялі ў гульні, прынялі ўдзел у варожбе, зрабілі цікавыя здымкі на памяць, праспявалі для гаспадынь калядныя песні, атрымалі салодкія пачастункі, паведамляюць ва ўстанове.
