Вучні 9 «А» класа гімназіі г. Лунінца імя М.П. Анцукевіча, як паведамляе гімназічны сайт, у рамках вывучэння жыцця і творчасці Якуба Коласа наведалі помнік народнаму паэту, спыніліся каля памятнай шыльды на будынку краязнаўчага музея, прайшліся па вуліцы, названай у гонар пісьменніка, згадалі старонкі жыцця и творчасці паэта, звязаныя з Лунінеччынай.
З вялікай цікавасцю Я.Колас вывучаў побыт палешукоў, і менавіта ў Лунінцы ён напісаў шэраг вершаў, апавяданняў. Пазней правобразамі герояў некаторых твораў сталі і нашы жыхары. Тут ён пачаў пісаць паэму «Сымон-музыка».